Agfangä hed alles im Jahr 1987. Zu derä Ziit isch „wild“ trinkled wordä. S hed ai nu kei Trinklerumzug gä z Chärns. I dr anderä Gmeindä isch mä eifach midem wiisä Chutäli igschtandä und hed mittrinkled. Im Friählig 1987 hend sich ca. 45 Mannä im Restaurant Sand zämägfundä und hend dr 1. offizielli Trinklerklub vo Obwaldä grinded.

 

Natirlich sind ai Statuitä gmacht wordä. I dänä hed mä de ai grad fescht gleid, dass keini Fraiä aktiv chenid mitmachä im Verein.

 

Mid blauä Chutäli sind si de as Eidgenessischä Schäller- und Trychlerträffä uf Schwyz. Näbä allnä wiisä Chutäli sind si sehr uifgfallä und das hed de nid allnä passed. Das heds drvor nu niä gä! Alli Gruppä hend immer mid wiisä Hirtähemmli trinkled.

 

Midmenä Kaffeewagä und Fähndli a dr Trinklä hend si ai am Umzug mitgwirkt. Diä Trinkler hend sich de nid epä wellä blamiärä, drum hend si vorem Eidgenessischä im Sand ussä trainiärd und ä geeignetä Takt igschtudiärd.

 

Im Jahr 1990 hed mä de vom Seilziähklub s Wildifäscht uf dr Frutt ubernu. Das isch äs risigs Ereignis gsi. Alljährlich hed mä sich im Dischtelbodä hinnä, zur Burditräger-Meischterschaft und zum Wettmälchä troffä. Diä Wettkämpf hed mä zum Teil betribä, bis gwissi Blaterä a dr Händ ubercho hend. Afänglich isch äs 1000er Zält uifgstellt wordä. Nach äs paar Jahr hed mä s'Fäscht de zur niwä Bärgstation zigled.

 

Firä 1.Aiguscht 1991 sind si vonerä Fasnachtsgsellschaft z Basel igladä wordä, um bi ihnä am Umzug mid Trinklä mitzlaifä. Basel hed det 700 Jahr Eidgenossäschaft gfired, underem Motto Alpabfahrt“.

 

Ai a Hornschlittä-Rennä hed mä Trinkler chennä aträffä. Nachem Rennä hed mä de diä Schlittä grad verbrennd.

 

Nu einigi spezielli Uiftritt i dr Vereinsgschicht:

 

 

·      1. Trinklerumzug Kerns, 2. Dezember 1989

 

·      21. Eidgenesisches Jodlerfäscht Solothurn, 24. Juni 1990

 

·      Eidg. Scheller und Trychlertreffen Unterseen-Interlaken, 2. September 1990

 

·      Döschwo-Treff, Steingletsch, 2.Auguscht 1991

 

·      700 Jahr Eidgenossenschafts-Feier Kerns, 21./22. September 1991

 

·      Aitoträffä Susten

 

·      Älplerumzug Basel, 5.Juni 1993

 

·      Eidg. Jodlerfest Sarnen mit Umzugsteilnahm, 20. Juni 1993

 

·      Scheller und Trychlertreffen Turtmann, 10. September 1993

 

·      2-Tages Uisflug nach Sembach (DE) mit Umzugsteilnahm, 25./26. Juni 1994

 

·      Kantonales Trychlertreffen Bönigen, 1.Oktober 1995

 

·      7. Eidg. Scheller und Trychlertreffen Wattwil/SG, 5.September 1999

 

·      Teilnahm am 7. Innerschwiizer Trinkler-Fäschtival Oktober 2006

 

·      Nachtumzug Chäferfäscht Reichenburg, Januar 2007

 

·      Jubiläums-Trinkler-Umzug z Chärns zum 20jährigä, November 2007

 

·      10. Eidg. Scheller- und Trychlertreffen Brunnen Aiguscht 2008

 

·      Chrischchindli-Märt Luzern bi dr Franziskaner-Chilä Dezember 2008

 

·      2. Trychlä Sägnig Emmetten, September 2009

 

·      Urchige Trychler-Stubetä in Alberswil, März 2010

 

·      Nachtumzug Chäferfäscht Reichenburg, Januar 2011

 

·      Seilziäh-Plaischturniär Kerns, Juli 2011

 

·      3-Tages Uisflug zum 25jährigä Jubiläum nach Zell am Ziller im Zapfenhof mit

   Almabtrieb Sept. 2013

 

·      12. Eidg Scheller- und Trychlertreffen Meiringen, Aiguscht 2014

 

·      Bundesfeier Gossau mid dr Gmeind Chärns als Gast, Juli 2015

 

·      2-Tages Uisflug zum 30jährigä Jubiläum is Appenzell, Mai 2018



TRINKLERKLUB Kerns

1987 grindet

E-Mail: trinklerklub_kerns@gmx.ch

 

 Presidänt:

Markus Käslin / Heidenmattstrasse 1 / Kerns

 

Vizepresidänt:

Lukas Durrer / Windegglistrasse 3 / Kerns

 

Aktuar:

Samuel Bucher / Melchtalerstrasse 34 / St. Niklausen

 

Kassie:

Nadia Küchler / Sagenmattli 1 / St. Niklausen

 

Obmaa:

André von Deschwanden / Heidenmattstrasse 3 / Kerns

 

Biisitzer:

Ueli Durrer / Obere Stöck 1 / Kerns

 

Webmaster & Materialwart:

Marco Herger / Sagenmattli 1 / St. Niklausen

Trinklerklub uf Feysbuuk: Aklickä, iiloggä und läikä!

"Mit Facebook verbinden" aklickä, de gsesch iisi Feysbuuk-Siitä